Як паведамілі рэдакцыі ў Рэспубліканскім цэнтры па гідраметэаралогіі, кантролі радыеактыўнага забруджвання і маніторынгу навакольнага асяроддзя Мінпрыроды, у другі дзень тыдня ўмовы надвор’я ў Беларусі будуць вызначаць атмасферныя франты, якія перамесцяцца з Заходняй Еўропы. 

Удзень воблачна з праясненнямі. Часам дажджы, днём месцамі магчымы навальніцы. Вецер заходні, паўднёва-заходні ўмераны, днём месцамі парывісты. Максімальная тэмпература днём будзе не вышэй за 16–22 °С. Атмасферны ціск будзе падаць. 

Потым нас чакае двухдзённая змена надвор’я. У гэтыя дні надвор’е будуць фарміраваць актыўныя атмасферныя франты ад цыклону, цэнтр якога перамесціцца з поўдня Швецыі на ўсход Латвіі. Чакаецца перавага воблачнага надвор’я. 

У сераду часам пройдуць дажджы, месцамі чакаюцца моцныя дажджы і навальніцы. Вецер пераменных напрамкаў парывісты, ноччу месцамі па захадзе, раніцай і днём пераважна па паўднёва-заходняй моцны парывісты, днём месцамі моцны парывісты. Тэмпература паветра мінімальная ноччу ад 9 да 16 °С, а максімальная днём — ад 14 да 21 °С. 

Некамфортнае надвор’е чакаецца і ў чацвер, калі на большай частцы тэрыторыі краіны пройдуць дажджы. Днём месцамі па краіне прагназуюцца моцныя дажджы і навальніцы. Уначы і раніцай па паўночным усходзе ў асобных раёнах слабы туман. Вецер пераменных напрамкаў парывісты, па захадзе месцамі моцны парывісты. Тэмпература паветра ноччу апусціцца да 7–13 °С, а максімальная днём — не вышэй за 14–21 °С.

Сяргей КУРКАЧ