З дзіцем у цяжкім стане, якое пацярпела ў Бранскай вобласці, працуе мультыдысцыплінарная брыгада медыкаў, паведаміў журналістам дырэктар РНПЦ дзіцячай хірургіі, галоўны пазаштатны дзіцячы кардыяхірург Міністэрства аховы здароўя Канстанцін Драздоўскі, перадае БелТА.
У РНПЦ сёння паступілі пяць пацыентаў, іх суправаджалі бацькі.
«Адно дзіця знаходзіцца ў цяжкім стане ў аддзяленні рэанімацыі. Яно — на штучнай вентыляцыі лёгкіх. Мае дастаткова цяжкія траўмы. Ім займаецца мультыдысцыплінарная брыгада спецыялістаў: гэта лор-спецыялісты, сківічна-тварны хірург, траўматолагі і дзіцячы хірург, — сказаў Канстанцін Драздоўскі.
Чатыры дзіцяці шпіталізаваны ў хірургічнае аддзяленне. Іх стан, паводле слоў дырэктара РНПЦ, ацэньваецца як цяжкі, аднак кампенсаваны.
Правядзенне ўсіх неабходных дыягнастычных і лячэбных мерапрыемстваў пацыентам будзе прадоўжана, дадаў Канстанцін Драздоўскі. «Мы былі гатовы да сустрэчы пацыентаў», — адзначыў ён.
