Павел Муравейка абмеркаваў з прадстаўнікамі мясцовых органаў улады і выкладчыкамі надзённыя пытанні, далейшыя напрамкі супрацоўніцтва ў галіне ваенна-патрыятычнага выхавання моладзі і перадаў у фонд цэнтра макеты аўтаматаў АК-74 для правядзення практычных заняткаў па дапрызыўнай падрыхтоўцы.

У гутарцы з педагогамі начальнік Генштаба адзначыў высокую цікавасць да ваеннай службы з боку дзяўчат:

«Увогуле сёння набор у ваенныя навучальныя ўстановы на 30% аддаецца пад дзяўчат. Сёння ў арміі становіцца жаночы твар і сёння немагчымыя без іх некаторыя спецыяльнасці: тылавыя, спецыяльна-тэхнічныя. Спецыяльнасці, на якіх патрэбная жаночая ўважлівасць і ўмеранасць».

З 2009 года ў цэнтры прайшлі навучанне каля 15 тысяч навучэнцаў 10-11-х класаў з 15 школ горада. Навучанне праводзіцца метадам тыднёвага навучальнага збору.

Цэнтр працуе па двух модулях:

• «Дапрызыўная падрыхтоўка» — накіраваны на патрыятычнае выхаванне, фарміраванне навыкаў абароны суверэнітэту Беларусі і маральна-псіхалагічную падрыхтоўку да ваеннай службы.
• «Медыцынская падрыхтоўка» — уключае навучанне навыкам аказання першай дапамогі, догляду за хворымі, прапагандзе здаровага ладу жыцця, а таксама развіццю самастойнасці і адказнасці.

Як адзначыў начальнік Генеральнага штаба, гэта важная, знакавая і вельмі адказная задача — развіваць патрыятычнае выхаванне. Нехта з вялікіх сказаў, што дрэнны той народ, які не ведае і не памятае сваю гісторыю.

«Такія патрыятычныя цэнтры, сказаў ён, створаны для таго, каб рыхтаваць нашых маленькіх грамадзян, старэйшых школьнікаў да ўспрымання сваёй Радзімы, яе гераічнага мінулага, гістарычных падзей у тым ракурсе, каб далей рухаць сваю краіну.

Гэта элементы падрыхтоўкі грамадзяніна, які ў далейшым будзе стаяць на чале нашых прадпрыемстваў, нашых эканамічных гігантаў, магчыма, нават калі-небудзь узначаліць краіну. Бо краіну можа ўзначаліць толькі грамадзянін гэтай краіны, які з малаком маці ўвабраў любоў да сваёй зямлі, жыве на гэтай зямлі і гатовы яе абараняць і развіваць», заключыў начальнік Генеральнага штаба беларускай арміі.

Фота: «Ваяр»