Павел Муравейка падкрэсліў, што Беларусь проста забяспечвае сваю бяспеку. «Гэта ўжо мільён разоў было сказана на ўсіх узроўнях. Мы ні на каго нападаць не збіраемся і ні адну дзяржаву не разглядаем як праціўніка. Мы поўнасцю гатовыя жыць у міры, забяспечваючы ўзаемную бяспеку з улікам нашых інтарэсаў і строгага захавання нашай бяспекі», — сказаў ён.
Паводле яго слоў, у наступным годзе ваенная бяспека ў рэгіёне будзе залежаць ад развіцця падзей і ходу ваеннага канфлікту ва Украіне. 

«Па-першае, ад гэтага. Па-другое, ад рашэнняў, якія прымуць Злучаныя Штаты і Расійская Федэрацыя, абмяркоўваючы выкананне мірнага дагавора. І ёсць рэальная верагоднасць, што напружанасць і эскалацыя ўсё ж такі знізяцца, — адзначыў першы намеснік міністра. — Перспектыва ўстанаўлення міру ва Украіне, вядома, існуе. Над гэтым працуе ўся сусветная супольнасць. Разумны сэнс пераможа мілітарысцкія амбіцыі, мір будзе ўстаноўлены ў гэтай краіне, і эскалацыя напружанасці знізіцца ва ўсім рэгіёне».