Супрацоўнікі ДАІ правядуць як прафілактычныя акцыі для дзяцей і бацькоў, так і рэйдавыя мерапрыемствы па спыненні парушэнняў ПДР. Асаблівую ўвагу ўдзеляць захаванню вадзіцелямі ўстаноўленай скорасці руху, правіл бяспечнай перавозкі дзяцей, праезду пешаходных пераходаў. Інспектары нагадаюць правілы перамяшчэння на сродках персанальнай мабільнасці і веласіпедах.

У ДАІ звяртаюць увагу, што 80 працэнтаў ДТЗ з удзелам дзяцей здараецца па віне дарослых. За чатыры месяцы на дарогах краіны загінулі чацвёра непаўналетніх, 81 дзіця атрымала траўмы. Сярод непаўналетніх удзельнікаў ДТЗ 35 пешаходаў, 28 пасажыраў, 6 веласіпедыстаў і 16 вадзіцеляў аўтамабіляў, матацыклаў, мапедаў і сродкаў персанальнай мабільнасці.