Кіраўнік ведамства даў шэраг канкрэтных даручэнняў. У прыватнасці, начальніку Дэпартамента аховы МУС пастаўлена задача ўзмацніць пільнасць вартаўнічай аховы ў школах, пракантраляваць спраўнасць тэхнічных сродкаў абароны. Асаблівая ўвага звернута на неабходнасць імгненнага рэагавання нарадаў пры паступленні сігналаў трывогі.

«Здароўе і жыццё дзяцей — наш прыярытэт! Мы абавязаны зрабіць усё для іх бяспекі!» — адзначыў міністр.

Начальніку галоўнага ўпраўлення аховы правапарадку і прафілактыкі даручана правесці інструктажы з адміністрацыямі школ па дзеяннях пры ўзнікненні надзвычайных сітуацый. Супрацоўнікам інспекцый па справах непаўналетніх — індывідуальную работу з навучэнцамі, якія знаходзяцца на прафілактычных уліках.

МУС папярэджвае: любыя спробы дэстабілізацыі сітуацыі ў краіне будуць неадкладна і жорстка спыняцца. Цяпер за распаўсюджванне лжывай інфармацыі аб небяспецы ўжо затрыманы тры чалавекі.

Аператыўная абстаноўка ў краіне знаходзіцца пад кантролем органаў унутраных спраў і ўнутраных войскаў МУС. У міліцыі дастаткова сіл і сродкаў для забеспячэння грамадскага парадку і бяспекі грамадзян.

Вераніка КАНЮТА.