Прыняцце дакумента абумоўлена карэкціроўкай заканадаўства, правапрымяняльнай практыкай. «У ім вызначаны парадак інфармацыйнага ўзаемадзеяння паміж МУС, што з’яўляецца ўладальнікам банка даных, а таксама дзяржаўнымі органамі, упаўнаважанымі на прыняцце і выкананне рашэнняў па часовым абмежаванні правоў грамадзян на выезд з нашай краіны», — растлумачылі ў ведамстве.

Так, устаноўлены тэхнічныя патрабаванні па забеспячэнні інфармацыйнай бяспекі звестак, якія захоўваюцца ў банку даных. У яго ўключаюцца звесткі аб грамадзянах Беларусі, у адносінах да якіх прынята рашэнне аб часовым абмежаванні права на выезд, аб прыпыненні такога рашэння, а таксама яго адмене, інфармацыя па выездзе з Беларусі непаўналетняга (у выпадку вынясення рашэння суда аб вызначэнні парадку выезду непаўналетняга з Беларусі).

Падставы для часовага абмежавання права грамадзяніна Беларусі на выезд з краіны ўстаноўлены арт.7 закона «Аб парадку выезду з Рэспублікі Беларусь і ўезду ў Рэспубліку Беларусь грамадзян Рэспублікі Беларусь».

Любы грамадзянін мае права даведацца аб наяўнасці або адсутнасці абмежаванняў на выезд, асабіста звярнуўшыся ў падраздзяленне па грамадзянстве і міграцыі тэрытарыяльных органаў унутраных спраў. Тэрмін атрымання інфармацыі — адзін рабочы дзень.