«Каб зрабіць паход у лес бяспечным, МУС рэкамендуе старанна падрыхтавацца, — гаворыцца ў паведамленні. — Не ўпускайце ніводнай дробязі! Не адпраўляйцеся ў лес у адзіночку. Абавязкова праінфармуйце родных аб вызначаным маршруце і планаваным часе вяртання. Вазьміце з сабой цалкам зараджаны мабільны тэлефон, пітную ваду, лекі, якія рэгулярна прымаеце, ліхтар, нож, запальніцу або запалкі, сродкі ад насякомых, а таксама прадметы, якія можна выкарыстоўваць для падачы гукавых сігналаў і выкліку дапамогі. Выбірайце вопратку яркіх колераў, каб па максімуме стаць больш прыкметным для тых, хто вас шукае. Звярніце ўвагу на тое, каб яе расфарбоўка не злівалася з лясным масівам». 

У МУС падкрэслілі, што ў лесе нельга адхіляцца ад вызначанага маршруту, а таксама перамяшчацца, хаатычна змяняючы напрамкі. Заблукаўшы, неабходна пастарацца супакоіцца і ацаніць сітуацыю, якая склалася. Варта адразу патэлефанаваць родным, а таксама ў міліцыю ці ратавальнікам. Калі вырашылі шукаць дарогу самастойна, не трэба рабіць гэтага ў прыцемках. Лепш выбраць адкрытае месца, заставацца там і развесці вогнішча. Перыядычна неабходна даваць аб сабе знаць гукавымі сігналамі.

«Калі ваш блізкі чалавек не вярнуўся з лесу ў прызначаны час, неадкладна паведаміце пра здарэнне ў міліцыю. Пры неабходнасці будуць выкліканы ратавальнікі, кінолагі, арганізаваны пошук з прыцягненнем спецыяльнай тэхнікі. Памятайце: чым раней пачнуцца пошукавыя мерапрыемствы, тым больш шанцаў, што яны акажуцца паспяховымі», — дадалі ў Міністэрстве ўнутраных спраў.