Днём 9 лістапада ратавальнікам паступіла паведамленне аб загаранні кватэры па вул. Пушкіна. Па прыбыцці да месца выкліку назіралася задымленне з акна кватэры, размешчанай на трэцім паверсе пяціпавярховага шматкватэрнага жылога дома. Падчас разведкі ратавальнікі на падлозе ў кухні выявілі гаспадара жылля. Работнікі МНС вынеслі яго на свежае паветра і перадалі медыкам. Выратаваны шпіталізаваны.

Пажар ліквідавалі ратавальнікі. Абставіны здарэння высвятляюцца. На месцы здарэння працавалі шэсць адзінак тэхнікі МНС.