Гэты трэнд, які ўмацаваўся ў апошнія сезоны, дазваляе не толькі заставацца ў модзе, але і адчуваць сябе нязмушана ў любой сітуацыі. Але як выбраць тую самую, ідэальную мадэль, якая падкрэсліць індывідуальнасць і не згубіцца ў патоку бязлікіх рэчаў?

Пара забыцца пра цесныя сілуэты! Эпоха камфорту і расслабленасці дыктуе свае правілы. З спартыўнага рыштунку ў сімвал бунтарскага духу — менавіта так трансфармавалася гэтая некалі сціплая рэч. Дзякуючы ўплыву хіп-хоп культуры і свабоды каліфарнійскага скейтбордынгу, талстоўка оверсайз выйшла за межы спартзалаў і стала ўвасабленнем смелага, дзёрзкага стылю. Яна гаворыць пра гатоўнасць вылучыцца з натоўпу. Менавіта таму талстоўкі часта ўпрыгожваюць гучнымі слоганамі, яркімі прынтамі і лагатыпамі, ператвараючы іх у сапраўдныя арт-аб’екты.

Сёння гэты прадмет гардэроба стаў асновай для стварэння шматслойных вобразаў, якія можна адаптаваць пад любы стыль — ад прэпі да кэжуал. Дастаткова зірнуць на знакамітасцяў — ад акцёраў да музыкаў — каб пераканацца: талстоўка оверсайз — гэта must-have ў арсенале сучаснага мужчыны.

Але як насіць гэтую рэч, каб не выглядаць так, нібыта толькі што прачнуўся? Сакрэт — у прапорцыях. Класічныя штаны прамога крою, у спалучэнні з макасінамі або ботамі чэлсі, дапамогуць збалансаваць аб’ём і стварыць элегантны, вывераны вобраз

Іншы варыянт — пайсці ва-банк і стварыць тотал-оверсайз вобраз, спалучаючы талстоўку з шырокімі джынсамі і высокімі красоўкамі, або са штанамі карго і масіўнымі ботамі. Доўгая талстоўка ідэальна падыходзіць для эксперыментаў са шматслойнасцю. Паспрабуйце дадаць варатнік паласатай кашулі для ноткі прэпі-шыку і завяршыце вобраз доўгім трэнчам або паліто.

Натхняючыся апошнімі трэндамі, талстоўкі оверсайз з’яўляюцца ў самых нечаканых інтэрпрэтацыях. Яркія колеры, пастэльныя адценні, вінтажны стыль... Выбар за вамі

Каб не згубіцца ў разнастайнасці прапаноў, арыентуйцеся на чатыры ключавыя параметры: крутасць, камфорт, капюшон і колер. Ад талстовак на маланкі да мадэляў з капюшонам, ад класічных чорных да яркіх, вітамінных адценняў — у гэтым сезоне талстоўка оверсайз гатова замяніць швэдар у вашым паўсядзённым гардэробе.

Марыя АСМАЛОЎСКАЯ