Святочная музычная праграма «Чараўніцтва Раства» пройдзе ў Мінскай гарадской ратушы 7 студзеня, паведамілі БелТА ў Музеі гісторыі горада Мінска.
Музыка Баха, Моцарта, Дэбюсі, Шапэна, Дзясятнікава, Тарывердзіева ў выкананні сапраўдных зорак беларускай класічнай музыкі Міхаіла Канстанцінава і Таццяны Старчанка ўразіць нечаканым, новым чытаннем і падорыць адчуванне цуду.
«Магія гукаў вібрафона, якая дорыць адчуванне казкі; музыка, напоўненая прадчуваннем сапраўднага цуду; чароўныя дыялогі вібрафона і раяля — усё гэта створыць дзіўную атмасферу чараўніцтва, з якога пачнуцца асаблівыя калядныя дні», — заўважылі арганізатары.
