Пра гэта паведамляе агенцтва «Минск-Новости» са спасылкай на начальніка ўпраўлення культуры Мінгарвыканкама Кацярыну Лучыну.
— Цяпер мы займаемся распрацоўкай праекта рэканструкцыі музычнага тэатра, — адзначыла Лучына. — Плануем правесці мадэрнізацыю гэтага будынка. Цалкам абновім усё абсталяванне, сцэну, залы і іншыя памяшканні. Думаю, прыступім да работ ужо ў пачатку 2026 года — у студзені адсвяткуем юбілей тэатра, а затым адразу ж закрыем яго на рэканструкцыю.Яна таксама адзначыла, што рамонт не спыніць працу тэатра. Цяпер разглядаюцца альтэрнатыўныя пляцоўкі, дзе маглі б праходзіць спектаклі.
