«Я нашым польскім суседзям даў бы час сябе праявіць. У нас задач вельмі шмат і магчымасцей вельмі шмат. Калі нам удасца адпрацаваць узаемныя транспартна-лагістычныя механізмы, ад гэтага толькі выйграюць абодва бакі. Калі мы знойдзем развязкі па нейкіх гандлёва-эканамічных пытаннях, прыгранічным супрацоўніцтве (слухайце, чыгунка не працуе, самалёты не лятаюць, шэраг пунктаў пропуску застаецца закрыты, чэргі страшэнныя), то, вядома, варта чакаць інтэнсіфікацыі кантактаў», — сказаў Максім Рыжанкоў.

Ён дадаў, што за інтэнсіфікацыяй кантактаў заўсёды ідзе развіццё адносін па ўсіх напрамках. Але мяч знаходзіцца на польскім баку.

«Яны шмат гаварылі, што ў іх ёсць нейкія ўмовы. Так склалася, што ўсе пытанні зняты сёння. Калі ласка, мы гатовы да правядзення кансультацый з польскім бокам на ўзроўні намеснікаў міністраў, на іншым узроўні — нейкага ўпаўнаважанага і гэтак далей. Каб для пачатку адпрацаваць увесь комплекс адносін. Хтосьці павінен сесці і зрабіць дакладны разбор палётаў, дзе ж мы сёння з польскім бокам знаходзімся, па ўсім крузе адносін. Я думаю, што гэта павінны зрабіць МЗС», — падкрэсліў міністр.