Замежныя аўтамабілі прыбывалі з Літвы і змяшчаліся пад працэдуру часовага ўвозу, якая не прадугледжвае выплаты мытных плацяжоў.

У Расіі выраблялі для такіх аўтамабіляў тэхпашпарты з прыналежнымі ім VIN-нумарамі і расійскія рэгістрацыйныя знакі.

Фігурант крымінальнай справы атрымліваў усё гэта па пошце і прымяняў да часова ўвезеных аўто. У такім выглядзе транспартныя сродкі бесперашкодна вывозіліся ў іншыя краіны ЕАЭС.

Схему рэалізоўвалі на працягу трох гадоў, агульная сума нявыплачаных плацяжоў склала 500 тысяч рублёў. На тэрыторыі Беларусі ўжо канфіскавана 5 такіх аўто.

Арганізатара затрымалі ў г. Узда. Крымінальная справа заведзена па ч. 2 арт. 231 КК Рэспублікі Беларусь. Максімальнае пакаранне — абмежаванне волі на тэрмін да шасці гадоў.

Праводзяцца далейшыя праверачныя мерапрыемствы па ўстанаўленні ўсіх датычных асоб.