Паводле звестак Белгідрамета, у найбліжэйшыя дні ў многіх раёнах чакаюцца складаныя ўмовы надвор’я: моцны снег, мяцеліца, на дарогах снежныя заносы, узмацненне ветру парывамі да 24 м/с.

Камунальныя службы праводзяць кругласутачны маніторынг стану вуліц, пешаходных пуцей, дваровых тэрыторый і прымаюць усе неабходныя меры для своечасовай прыборкі снегу і ўстаранення абледзянення вулічна-дарожнай сеткі населеных пунктаў. «У першую чаргу расчышчаюцца ад снегу праезды грамадскага транспарту і прыпыначныя пункты. Звяртаецца ўвага на пад’езды да ўстаноў адукацыі і аховы здароўя, выхады з пад’ездаў, тратуары ўздоўж дамоў, кантэйнерныя пляцоўкі для вывазу смецця. Дапамагчы ў прыборцы ад снегу роднага горада, пасёлка можа любы ахвотны», — сказаў ён.

Так, можна звярнуцца ў арганізацыю ЖКГ па месцы жыхарства па рэжыме работы прадпрыемства і бясплатна атрымаць лапаты і іншы інвентар. Удакладніць адрасы і графік работы ў вашым горадзе ці раёне можна на афіцыйных сайтах прадпрыемстваў ЖКГ і раённых выканаўчых камітэтаў, у чатах і тэлеграм-каналах раённых ЖКГ, па тэлефонах даведачных службаў раённых ЖКГ.

У ведамстве заклікалі ўладальнікаў аўто не загрувашчваць праходы і ўезды ў двары, не пакідаць аўтамабілі на праезнай частцы на працяглы час — працуе камунальная тэхніка. Таксама ў МЖКГ нагадалі аўтаўладальнікам аб абавязку па расчыстцы снегу вакол аўтамабіля на адлегласці не менш як 1 м.