«Мы жывём у гістарычны час, і тое, што мы цяпер бачым, гэта не мір, а хутчэй — вайна, канфлікты», — заўважыў намеснік міністра. Ён звярнуў увагу, што больш за 10 % ВУП некаторых краін накіроўваецца на ваенныя патрэбы. 

«Многія дзяржавы дасягнулі небывалага ўзроўню выдаткаў на ваенную прамысловасць, і гэта трывожныя фактары. Назіраем хаос — палітычны, юрыдычны... Мы жывём у такі час, калі вайна фактычна магчымая, і ўсе разумеюць, што цяпер адбываецца. Некаторыя пытанні, якія павінны вырашацца паміж краінамі спакойна, цяпер маюць адценне палітызацыі», — падкрэсліў намеснік міністра замежных спраў Ірана.

«Калі мы хочам жыць у міры, то сумесна павінны думаць, як адысці ад няправільнага менталітэту, ілюзій аб парадку. Мы павінны змяніць парадыгму», — сказаў Саід Хацібзадэ.

Ён заявіў пра гатоўнасць Ірана развіваць стратэгічнае партнёрства з Расіяй, Беларуссю і іншымі краінамі.