Вярхоўны лідар Ірана Маджтаба Хаменеі паранены, але адчувае сябе добра. Пра гэта заявіў афіцыйны прадстаўнік МЗС Ірана Эсмаіл Багаі ў інтэрв’ю італьянскай газеце Corriere della Sera.
«Ён паранены, але з ім усё ў парадку», — сказаў Багаі, дадаўшы, што не ведае, калі новы Вярхоўны лідар выступіць са сваёй першай прамовай.
Са слоў прадстаўніка МЗС, на пасаду новага Вярхоўнага лідара прэтэндавалі тры ці чатыры чалавекі, але большасць у Савеце экспертаў выбрала менавіта Маджтабу Хаменеі.
Раней тэлеканал CNN паведаміў, што Маджтаба Хаменеі атрымаў нязначныя траўмы ў першы дзень атакі ЗША і Ізраіля на Іран, калі загінуў яго бацька Алі Хаменеі.
