Грамадзянка Беларусі, якая пацярпела ў дарожна-транспартным здарэнні ў Харватыі, атрымала лёгкія траўмы. Пра гэта паведамляе БелТА са спасылкай на беларускае знешнепалітычнае ведамства.
8 лістапада на аўтамагістралі А3 (паблізу горада Іваніч-Град, Рэспубліка Харватыя) адбылося ДТЗ — перакуліўся аўтобус. Кіроўца з’яўляецца грамадзянінам Сербіі. У выніку аварыі загінулі два чалавекі (грамадзяне Харватыі і Чарнагорыі). Акрамя таго, пацярпелі 30 чалавек, у тым ліку адна грамадзянка Беларусі, якая, паводле інфармацыі ўпраўлення паліцыі горада Заграб, атрымала лёгкія раненні.
«Інфармацыя ўдакладняецца Пасольствам Беларусі ў Венгрыі ва ўзаемадзеянні з харвацкімі кампетэнтнымі органамі і ганаровым консулам Рэспублікі Беларусь», — падкрэслілі ў Міністэрстве замежных спраў.
