На 92-м годзе жыцця памёр мастак-манументаліст, скульптар, прэзідэнт Расійскай акадэміі мастацтваў Зураб Цэрэтэлі. Пра гэта інфармагенцтву «Інтэрфакс» паведаміў памочнік мастака Сяргей Шагулашвілі.

Цэрэтэлі — аўтар больш за 5000 твораў жывапісу, графікі, скульптуры, манументальна-дэкаратыўнага мастацтва (фрэскі, мазаікі, пано). Як скульптар стварыў мноства манументаў, сярод іх — «Дружба навекі» ў Маскве, «Дабро перамагае зло» перад будынкам ААН у Нью-Ёрку, «Нараджэнне новага чалавека» ў Севільі, «Разбурыць сцяну недаверу» ў Лондане, помнік Зоі Касмадзям’янскай у Рузе і іншыя.