Новы купал абсталяваны электрапрывадам, створкамі, якія расчыняюцца, і магчымасцю кручэння на 360 градусаў. На гэты момант тэлескоп зняты на захоўванне да завяршэння рэканструкцыі, якая ўжо блізкая да фіналу.

Будаўнікі паведамілі, што абсерваторыя ўжо атынкавана, і цяпер ідзе мантаж вінтавой лесвіцы, якая дазволіць наведвальнікам падымацца на пляцоўку пад купалам для назіранняў за зоркамі. Са слоў прараба Паўла Ждановіча, лесвіца будзе сабрана да канца мая. Застанецца толькі пафарбаваць фасад, усталяваць вітражы і выканаць адмостку.

Што тычыцца самога планетарыя, тут работы ідуць поўным ходам. Будаўнікі ўцяпляюць цокаль, ізалююць сцены падвальных памяшканняў і прыбудоўваюць ганак з тыльнага боку будынка. Тынкавыя работы амаль завершаны, і пачаліся фасадныя: сцены ўцяпляюць мінватай, пасля чаго будзе нанесена дэкаратыўная тынкоўка і праведзена афарбоўка.

Паралельна выконваюцца спецыяльныя работы па слабаточных сістэмах, пажарнай сігналізацыі, электрамантажы, вентыляцыі, ацяпленні і водазабеспячэнні.

На гэтым тыдні на аб’ект будуць завезены вітражы і аконныя блокі для завяршэння контуру будынка. У чэрвені будаўнікі плануюць прыступіць да мантажу даху, які будзе складаным: лускаватым і двухколерным, вырабленым з палімернага ацынкаванага профліста шэрага і светла-шэрага адценняў. Работы страхароў запатрабуюць высокай дакладнасці для ідэальнай падгонкі кожнай дэталі.

Пасля завяршэння рэканструкцыі Мінскі планетарый стане сучасным і камфортным.