Паводле папярэдніх звестак следства, сёння днём 18-гадовы стажор, які праходзіў навучанне на пасаду аператара атракцыёнаў, дапамагаючы наведвальніку бяспечна пакінуць карусель, не зафіксаваў рабочы механізм. У той момант яго зачапіла рухомая частка атракцыёну. У выніку ён атрымаў цяжкую траўму галавы, ад якой памёр. Зараз на месцы здарэння працуе следча-аператыўная група.

Следчым з прыцягненнем спецыялістаў ДКСЭ праводзіцца агляд, дэталёва фіксуецца следчая карціна. Для ўстанаўлення храналогіі падзей апытваюцца відавочцы і адміністрацыя парку, адбіраюцца эксплуатацыйная дакументацыя на атракцыён і журналы інструктажоў па тэхніцы бяспекі і ахове працы. Плануецца прызначэнне комплексу экспертных даследаванняў.

Асноўная версія таго, што здарылася, пацвярджаецца аб’ектыўнымі данымі, — парушэнне правілаў тэхнікі бяспекі. Усе абставіны здарэння будуць устаноўленыя Магілёўскім міжраённым аддзелам Следчага камітэта падчас праверкі. Асаблівую ўвагу следчыя нададуць прычынам і ўмовам, якія спрыялі трагедыі.