«Новы цяжкавоз БЕЛАЗ-79212 выраблены на заказ Беларускай атамнай электрастанцыі. Спецтранспарт грузападымальнасцю 150 т прызначаны для перавозкі адпрацаванага ядзернага паліва ў транспартным упаковачным кантэйнеры па тэрыторыі БелАЭС», — расказалі ў прэс-службе.

Мінулі два этапы выпрабаванняў, падрыхтоўкі і тэсціравання транспартнай платформы машыны, якія правялі спецыялісты. Перад уводам у эксплуатацыю цяжкавозу трэба прайсці трэці, заключны этап выпрабаванняў, які правядуць прадстаўнікі расійскай дзяржкарпарацыі «Расатам».

ААТ «БЕЛАЗ» — кіруючая кампанія холдынга «БЕЛАЗ — Холдынг» — найбуйнейшы сусветны вытворца кар’ерных самазвалаў і транспартнага абсталявання для горназдабыўной і будаўнічай прамысловасці. Кампанія спецыялізуецца на распрацоўцы, вытворчасці і збыце кар’ерных самазвалаў вялікай і асабліва вялікай грузападымальнасці, спецыяльных і спецыялізаваных транспартных сродкаў, а таксама іншага цяжкага транспартнага абсталявання, які выкарыстоўваецца ў горназдабыўной, будаўнічай, металургічнай і іншых галінах прамысловасці.