Дарэчы, па аб’ёмах біржавога тавараабароту ў першую пяцёрку ўвайшлі ўдзельнікі таргоў з Маскоўскай, Смаленскай, Ленінградскай і Белгародскай абласцей, а таксама з Рэспублікі Татарстан. Самыя высокія тэмпы росту аб’ёмаў біржавога гандлю па выніках 10 месяцаў прадэманстравалі Смаленская і Белгародская вобласці — 190 % і 282 % адпаведна. Такой статыстыкай падзяліўся намеснік начальніка ўпраўлення знешнеэканамічнай дзейнасці БУТБ Герман Пузырны падчас семінара для прадстаўнікоў расійскага бізнесу.

Мерапрыемства, якое прайшло ў цэнтральным офісе БУТБ, было арганізавана па запыце Федэральнага рэсурснага цэнтра ў рамках праграмы падрыхтоўкі кіраўніцкіх кадраў для прадпрыемстваў народнай гаспадаркі Расіі. Ключавымі задачамі праграмы з’яўляюцца забеспячэнне эканомікі кваліфікаванымі кіраўнікамі, павышэнне канкурэнтаздольнасці расійскіх прадпрыемстваў і арганізацый, развіццё міжнароднага супрацоўніцтва. У сувязі з гэтым асноўная ўвага ў ходзе семінара была ўдзелена магчымасцям прымянення біржавога механізму пры ажыццяўленні экспартна-імпартных аперацый з кампаніямі з Беларусі і трэціх краін.