За мінулыя выхадныя ў вобласці зарэгістравана 149 ДТЗ без пацярпелых, у якіх транспарт атрымаў механічныя пашкоджанні.

Супрацоўнікі абласной ДАІ выявілі 2777 парушэнняў з боку ўдзельнікаў дарожнага руху. Затрымана 30 нецвярозых вадзіцеляў, спынена 77 фактаў кіравання транспартам асобамі, якія не маюць права кіравання, а таксама 65 выпадкаў невыкарыстання зімовых шын пры ўдзеле ў дарожным руху. Таксама 221 кіроўца грэбаваў Правіламі бяспечнай перавозкі непаўналетніх пасажыраў.

Акрамя таго, 631 уразлівы ўдзельнік дарожнага руху (пешаходы, веласіпедысты) прыцягнуты да адміністрацыйнай адказнасці. З іх 130 знаходзіліся ў нецвярозым стане і былі выдалены з праезнай часткі, яшчэ больш за 330 не былі пазначаныя святлоадбівальнымі элементамі.