Першапачаткова ў МНС паведамілі пра аднаго загінулага. Пазней стала вядома, што знайшлі цела яшчэ аднаго замежнага альпініста. Пошукава-выратавальныя работы на Эльбрусе завершаны.

Следчыя органы пачалі праверку па факце гібелі двух альпіністаў. «Згодна з матэрыяламі праверкі, 21 красавіка група з пяці чалавек, не прайшоўшы рэгістрацыі ў выратавальным атрадзе і праігнараваўшы небяспечныя ўмовы надвор’я, здзейсніла ўзыходжанне на гару Эльбрус. На вышыні больш за 5 тыс. м двое мужчын адчулі сябе дрэнна і не змаглі працягнуць ўздым», — паведамілі ў рэгіянальным упраўленні СК Расіі.

22 красавіка на гары Эльбрус на вышыні прыкладна 5350 м незарэгістраваная замежная група папрасіла аб дапамозе.