«Свет перажывае тэктанічныя зрушэнні, і на фоне фарміравання новай архітэктуры бяспекі парламенцкая дыпламатыя становіцца важным фарматам», — сказаў віцэ-спікер. Ён таксама агучыў пазіцыю Мінска. Галоўны пасыл — заканадаўцы, якія выказваюць волю сваіх народаў, павінны факусавацца на суверэнным развіцці і дабрабыце людзей, а міжнародныя пляцоўкі павінны быць месцам для дыялогу і павагі меркаванняў, а не санкцый і жорсткага прымусу. 

Віцэ-спікер абазначыў тры галоўныя ядры для сумеснай работы. Па-першае, павага да суверэнітэту і культурных кодаў. Мінск цвёрда стаіць на пазіцыях неўмяшання ва ўнутраныя справы. Парламенцкі трэк павінен стаць пляцоўкай для абароны традыцыйных духоўна-маральных каштоўнасцей і пабудовы моцнай сацыяльнай дзяржавы.

Па-другое, надзейная прававая база пад інавацыі і рэальны сектар. Эканамічная кааперацыя патрабуе надзейнай прававой базы. Беларусь настроена на шчыльны абмен вопытам у сферы лічбавай трансфармацыі, штучнага інтэлекту, кібербяспекі і тэхналагічнага суверэнітэту. Беларускі бок гатовы дзяліцца праверанымі мадэлямі сацабароны, падтрымкі сем’яў і пенсіённага забеспячэння.

Па-трэцяе, стаўка на рэгіёны і моладзь. Менавіта міжрэгіянальныя кантакты даюць самы хуткі і вымерны вынік для эканомікі. А работа з маладым пакаленнем — стратэгічны залог захавання гістарычнай памяці і пераемнасці.

«Беларусь адкрыта для раўнапраўнага дыялога з усімі зацікаўленымі партнёрамі. Упэўнены, што толькі аб’яднаўшы нашы намаганні, мы зможам забяспечыць устойлівае развіццё нашых дзяржаў у свеце, які імкліва змяняецца», — рэзюмаваў Вадзім Іпатаў.