Побач з кіраўніком МУС, намеснікамі міністра, кіраўнікамі дэпартаментаў, устаноў адукацыі, начальнікамі і супрацоўнікамі цэнтральнага апарата ведамства і УУС Мінаблвыканкама — курсанты Акадэміі і Цэнтра падрыхтоўкі кадраў, навучэнцы Спецыялізаванага ліцэя МУС, выхаванцы ваенна-патрыятычных клубаў.

Да міліцыянераў далучыліся прадстаўнікі Валожынскага лясгаса з дырэктарам Уладзімірам Бацяном. 

Работа ішла спорна і суправаджалася выдатным настроем. Як вынік, за некалькі гадзін 60 тысяч саджанцаў хвойных культур былі высаджаны на ўчастку ў 10 гектараў.

Кожны ўдзельнік мерапрыемства ўнёс неацэнны ўклад у экалагічную бяспеку краіны. Без сумненняў, чарада добрых спраў на карысць грамадства будзе працягнутая! 

• Падводзячы вынік мерапрыемства па абнаўленні лесу, міністр унутраных спраў Іван Кубракоў адзначыў:

— Мы не ў першы раз прыязджаем высаджваць лес сюды, у Валожынскі раён. Гэта ўжо стала пэўнай традыцыяй. 

Акцэнтаваўшы, што гэты год адзначаны 80-годдзем Вялікай Перамогі, Іван Уладзіміравіч адзначыў: беларуская зямля сапраўды шматпакутная. Праз рэспубліку праходзілі шматлікія войны. У гады Вялікай Айчыннай вайны ўся тэрыторыя была акупаваная. Гарэла ўсё – лясы, палі. Але дзякуючы працавітасці беларускага народа краіна зелянее і расквітае ў кожным днём і з кожным годам. І гэта ўсё робім мы, беларусы. 

— Сёння тут больш за 200 супрацоўнікаў ведамства, ліцэістаў, курсантаў, выхаванцаў патрыятычных клубаў. Заўсёды стараемся браць з сабой прадстаўнікоў маладога пакалення, каб яны бачылі і разумелі: прыгажосць нашай краіны — гэта не проста так. Мы ўсе павінны ўносіць свой уклад у добраўпарадкаванне. Дарэчы, сёння ўстанавілі рэкорд, высадзіўшы саджанцы на плошчы 10 гектараў. 

Кіраўнік ведамства падкрэсліў, што ён упэўнены ў моладзі, якая сёння побач. 

— Яны з намі ў адным страі! Асобныя словы падзякі іх бацькам, якія выхавалі сапраўдных патрыётаў і абаронцаў Айчыны. А, галоўнае, працавітых хлопцаў і дзяўчат. Міністр запэўніў, што супрацоўнікі органаў унутраных спраў і вайскоўцы ўнутраных войскаў зробяць усё для таго, каб над роднай Беларуссю заўсёды было мірнае неба. 

— Мы забяспечваем бяспеку і захоўваем тое, што зрабілі для нас папярэднія пакаленні, — падсумаваў Іван Кубракоў.

Дырэктар Валожынскага лясгаса Уладзімір Бацян адзначыў: 

— Шчыра дзякую і асабіста міністру за дапамогу і ўзаемадзеянне. Разам мы ўжо чацвёрты год высаджвалі лес у Пяршайскім лясніцтве. І заўсёды работа выконваецца якасна!