Дырэктар Кітайскага інстытута па даследаванні турызму Дай Бінь адзначыў, што ў Кітаі ўсё больш пажылых людзей, асабліва тыя, хто толькі што выйшаў на пенсію, далучаюцца да аматараў турпаездак, складаючы актыўную групу спажыўцоў турыстычных паслуг, якая адрозніваецца вялікай выхаванасцю, параўнальна высокай спажывецкай здольнасцю і вялікім імкненнем да актыўнага і свабоднага ладу жыцця.

Разам з гэтым Кітай, які імкліва развівае «сярэбраную» эканоміку, таксама шырока адкрывае турыстычны рынак для замежных падарожнікаў пажылога ўзросту. Па меры таго як попыт на турыстычныя паслугі сярод пажылых людзей бурна расце, турыстычная індустрыя КНР актыўна адаптуецца пад запыты гэтай аўдыторыі, прапаноўваючы спецыяльныя паслугі, якія ўлічваюць узроставыя і фізічныя асаблівасці турыстаў. Напрыклад, шанхайская авіякампанія Spring Airlines нядаўна выпусціла ў продаж гадавы абанемент спецыяльна для пасажыраў ва ўзросце 60 гадоў і старэйшых. З гэтым абанементам пасажыры могуць бязмежную колькасць разоў набываць бясплатныя білеты на ўнутраныя і замежныя рэйсы ў перыяд да канца 2026 года, за выключэннем пікавых турыстычных сезонаў. 

Што датычыцца чыгуначнага транспарту, то Кітайская дзяржаўная чыгуначная карпарацыя запланавала да 2027 года распрацаваць больш за 100 турмаршрутаў для пажылых турыстаў, увесці ў эксплуатацыю 160 экскурсійных саставаў, абсталяваных для пасажыраў гэтай групы насельніцтва, а таксама давесці колькасць адпраўленняў такіх цягнікоў да адзнакі звыш 2500. У КНР паскараецца рэканструкцыя інфраструктурных аб’ектаў у турзонах.

Як мяркуе Дай Бінь, турыстычная індустрыя Кітая ўпэўнена развіваецца ў бок лепшага задавальнення разнастайнага попыту турыстаў, праяўлення больш магутных драйвераў прагрэсу, прадастаўлення больш канкурэнтаздольных тураў і паслуг, а таксама пастаяннага павышэння міжнароднай прывабнасці. Такая мадэль развіцця робіць турызм усё больш даступным і камфортным для ўсіх катэгорый насельніцтва, у тым ліку пажылых людзей, жыхароў з сельскай мясцовасці і людзей з абмежаванымі магчымасцямі.