З 29 красавіка па 12 мая ў міжрэгіянальных зносінах будуць курсіраваць 26 дадатковых цягнікоў, у зносінах з Расіяй — 20, паведамілі ў Міністэрстве транспарту і камунікацый.
Таксама арганізавана курсіраванне больш за 350 дадатковых вагонаў у графікавых цягніках. Найбольшая колькасць цягнікоў прадугледжана на 30 красавіка і 3 мая.
Дарэчы, за час красавіцкіх доўгіх выхадных (17-22 красавіка) БЧ перавезла больш за 920 тысяч пасажыраў ва ўнутрырэспубліканскіх і міжнародных зносінах.
