У разгар сезона вясновага чаю на спецыялізаваным рынку Чжэнань у павеце Сун’ян горада Лішуй, што ў правінцыі Чжэцзян, сабраліся чаяводы і гандляры з усёй Паднябеснай — тут бойка ідзе гандаль свежым ураджаем, перадае «Жэньмінь жыбаа» анлайн».
Гэтая гандлёвая пляцоўка, найбуйнейшая ў Кітаі ў галіне вытворчасці зялёнага чаю, ахоплівае і стымулюе развіццё чайных плантацый агульнай плошчай больш за 670 тысяч гектараў у правінцыях Чжэцзян, Фуцзянь, Аньхой, Гуйчжоу і іншых асноўных рэгіёнах краіны, дзе вырабляецца чай. Яна прыносіць карысць звыш 3 мільёнам чаяводаў, збытавая сетка ахоплівае больш за 20 правінцый Кітая.
