«Хутка адбудзецца пасяджэнне саюзнага Саўміна, у канцы лютага — Вышэйшага дзяржсавета. Таму падводзім вынікі 2025 года, будуем планы на перспектыву», — адзначыў Аляксандр Турчын. 

Парадак дня саюзнага Саўміна дастаткова насычаны — 14 пытанняў. «Таму падчас нашай сённяшняй сустрэчы хацеў бы з вамі абмяняцца думкамі па падрыхтоўцы да пасяджэння вышэйшых органаў кіравання Саюзнай дзяржавы. Таксама хацеў бы на некаторых пытаннях больш прадметна спыніцца», — сказаў дзяржсакратару Прэм’ер.

Традыцыйна Рашэннем Вышэйшага дзяржсавета Саюзнай дзяржавы на тры гады зацвярджаюцца асноўныя кірункі рэалізацыі палажэнняў Дагавора аб стварэнні Саюзнай дзяржавы. «Гэта наша дарожная карта на сярэднетэрміновую перспектыву. 2 лютага ў Маскве на пасяджэнні Саўміна абмяркоўваем два ключавыя дакументы: ход выканання асноўных кірункаў на 2024—2026 гады і праект структуры аналагічнага дакумента на 2027—2029 гады», — сказаў кіраўнік урада. 

Аляксандр Турчын адзначыў, што засталіся для рэалізацыі сёлета некаторыя мерапрыемствы цяперашняй дарожнай карты, таму трэба больш інтэнсіўна падыходзіць да іх выканання. «Вядома, да адпрацоўкі асноўных кірункаў на 2027—2029 гады таксама трэба вельмі грунтоўна падысці, паглыбіць рэальныя мерапрыемствы і праекты. Пасткам — гэта як сэрца нашай інтэграцыйнай пляцоўкі. Ад работы Пастаяннага камітэта вельмі многае залежыць, у тым ліку выкананне і прапрацоўка гэтых вельмі важных для дзвюх нашых краін дакументаў», — звярнуў увагу Прэм’ер.