На асобных тэрыторыях Брэстчыны трэба прыняць меры бяспекі, паведамляецца на сайце Пінскага гарвыканкама.

У гэтым рэгіёне аб’яўлены каранцін з-за амерыканскага белага матыля, або белакрылкі.

• Кіраўнікам арганізацый, ІП і мясцоваму насельніцтву трэба праверыць зямельныя ўчасткі і тэрыторыю, якая прымыкае да іх, на прадмет наяўнасці насякомага, а таксама прыняць меры па барацьбе з ім.

Гэты матылёк лічыцца адным з небяспечных шкоднікаў і вызначаецца небывалай пражэрлівасцю і ўсёеднасцю.

Адзначым, што каранцін па белакрылцы ўводзіцца ў Пінскім раёне ўжо не ўпершыню. Апошні раз такое было амаль год назад.