На Сонцы да канца 2026 года можа адбыцца ад 5 да 10 успышак класа Х. Пра гэта паведамляе ТАСС са спасылкай на загадчыка лабараторыі сонечнай астраноміі і геліяфізічнага прыборабудавання аддзела фізікі касмічнай плазмы Інстытута касмічных даследаванняў РАН Сяргея Багачова. Расказала БелТА.
«Успышкі ўзроўню X і M на Сонцы будуць захоўвацца прыкладна да 2028 года ўключна. У мінімуме яны, як правіла, знікаюць. У гэтым годзе мы чакаем яшчэ 5–10 успышак узроўню X», — сказаў ён.
Сонечныя ўспышкі ў залежнасці ад магутнасці рэнтгенаўскага выпраменьвання дзеляцца на пяць класаў: A, B, C, M і X. Мінімальны клас A0.0 адпавядае магутнасці выпраменьвання на арбіце Зямлі ў 10 нанават на кв. м. Пры пераходзе да наступнай літары магутнасць павялічваецца ў 10 разоў. Успышкі, як правіла, суправаджаюцца выкідамі сонечнай плазмы, воблакі якой, дасягаючы Зямлі, могуць правакаваць магнітныя буры.
