На Сонцы зніклі ўсе плямы, паведамляе ТАСС са спасылкай на Лабараторыю сонечнай астраноміі Інстытута касмічных даследаванняў РАН. Пра гэта паведаміла БелТА.
У цяперашні момант сонца выглядае як ідэальны дыск без якіх-небудзь асаблівасцяў, на ім няма ні адной цёмнай плямы.
Навукоўцы растлумачылі, што сонечныя плямы з’яўляюцца неад’емнай часткай зоркі і абумоўліваюцца яе магнітным полем. У месцах найбольшай канцэнтрацыі магнітных патокаў утвараюцца цёмныя плямы, і іх поўнае знікненне здараецца толькі пры вельмі нізкай актыўнасці.
Апошні раз Сонца без плям можна было ўбачыць больш за чатыры гады таму.
