У рамках сумеснага стратэгічнага вучэння узброеных сіл Рэспублікі Беларусь і Расійскай Федэрацыі «Захад-2025» на палігоне МНС у Барысаўскім раёне праходзіць розыгрыш тактычных дзеянняў па пошуку, блакаванні і знішчэнні незаконнага ўзброенага фарміравання, паведамляе БелТА.
Спачатку ваеннаслужачым трэба будзе штурмаваць аб’ект ва ўрбанізаванай мясцовасці. Рабіць яны гэта будуць пад прыкрыццём беспілотнікаў. Перад гэтым ваеннаслужачыя пераадолелі водную перашкоду.
Працягнецца розыгрыш адпрацоўкай сумесных дзеянняў ваеннаслужачых з падраздзяленнямі МНС. Удзельнікам трэба будзе ліквідаваць наступствы ўзгарання цыстэрны.
Як паведамлялася раней, сумеснае стратэгічнае вучэнне ўзброеных сіл Беларусі і Расіі «Захад-2025» пачалося 12 верасня і працягнецца да 16 верасня. Мэта вучэння — адпрацоўка сумесных дзеянняў беларускіх і расійскіх войскаў у рамках гарантавання ваеннай бяспекі Саюзнай дзяржавы і гатоўнасці да адбіцця магчымай агрэсіі.
