З-за дарожных работ на ўчастку паміж вуліцамі Прытыцкага і Матусевіча 26 і 27 ліпеня ў Мінску часова зменяць маршруты грамадскага транспарту, паведамілі ў прэс-службе «Мінсктранса».
Праспект Пушкіна часткова закрыюць па чарзе: у суботу — няцотны бок, у нядзелю — цотны. Рамонтныя работы працягнуцца з 20:00 да 05:00 наступнага дня. У гэты час рух аўтобусаў і тралейбусаў будзе арганізаваны ў аб’езд.
З 20:00 26 ліпеня да 05:00 27 ліпеня зменіцца рух маршрутаў:
Аўтобусы:
- № 49, 107 — у аб’езд па вуліцах Матусевіча, Жудро, Прытыцкага.
- № 130 — праз Матусевіча, Жудро і Прытыцкага (у напрамку да Ціміразева).
Тралейбусы:
- № 10, 33, 38, 47 — з вул. Альшэўскага праз Матусевіча, Жудро і Прытыцкага.
- № 77 — аналагічна, але па скарочаным маршруце.
З 20:00 27 ліпеня да 05:00 28 ліпеня маршруты зменяцца наступным чынам:
Аўтобусы:
- № 49, 107 — праз Прытыцкага, Жудро, Матусевіча.
- № 130 — праз Адоеўскага, Прытыцкага, Жудро і Матусевіча.
Тралейбусы:
- № 10, 33, 38 — праз Прытыцкага, Жудро і Матусевіча.
- № 47 — з паваротам на Альшэўскага.
- № 77 — з маршрутам праз Прытыцкага, Жудро і Матусевіча.
