Па стане на 24 кастрычніка на большасці рэк краіны назіраецца рост узроўняў вады з сутачнай інтэнсіўнасцю 1-17 см, толькі на Нёмане ў Гродне, Віліі ў аграгарадку Сцешыцы і Бярэзіне ў Бабруйску адзначаецца спад узроўняў вады з інтэнсіўнасцю да 12 см за суткі. На Заходняй Дзвіне каля Віцебска, Нёмане каля Гродна, Дняпры каля Магілёва, Жлобіна, Рэчыцы, гарадскога пасёлка Лоеў, Бярэзіне каля Бабруйска, Светлагорска, Сожы каля Крычава, Слаўгарада і Гомеля назіраюцца неспрыяльныя ўмовы для работы рачнога транспарту.

Тэмпература вады ў рэках складае ад 5,4 да 10 градусаў, у іншых вадаёмах — ад 7,1 да 9 градусаў. 

Па прагнозах гідролагаў, у найбліжэйшыя дні ва ўзроўні і тэрмічных рэжымах рэк істотных змен не чакаецца.