У Мінску на 9 участках дарог працуюць мабільныя датчыкі кантролю хуткасці. Пра гэта паведамілі ў ДАІ ГУУС Мінскага гарвыканкама.
Хуткасныя парушэнні фіксуюць мабільныя сістэмы на пр. Партызанскім, вул. Дамашэўскай, вул. Радыяльнай, вул. Маякоўскага, вул. Прытыцкага, пр. Жукава, дзе дзейнічае абмежаванне ў 60 км/г, а таксама на пр. Дзяржынскага (60, 70 км/г), пр. Незалежнасці (60 км/г і 80 км/г) і МКАД (90 км/г).
У сталічнай ДАІ заклікалі аўтамабілістаў быць уважлівымі, выконваць хуткасны рэжым руху, а таксама ўлічваць умовы надвор’я.
