У партугальскім горадзе Калдаш-да-Раінья ў аўторак стартуе чэмпіянат Еўропы па сучасным пяцібор’і сярод юнакоў і дзяўчат да 15 і да 19 гадоў з удзелам беларусаў, паведамляе БелТА.
Нашу краіну на першынстве кантынента прадставяць 26 юных спартсменаў: дванаццаць у катэгорыі U15 і чатырнаццаць у заліку U19. У жніўні беларускія пяціборцы ўдзельнічалі ў юнацкім планетарным форуме ў Іспаніі, адкуль прывезлі дзевяць узнагарод, сярод іх пяць залатых. У Партугаліі выступяць у тым ліку чэмпіёны свету-U19 Акім Гнедчык і Аляксандр Чуяшкоў, а таксама пераможцы ЧС-U15 Клім Гнедчык, Аляксей Каржавін, Аліса Квашнеўская і Дар’я Федаровіч.
Першыя прызёры першынства Еўропы вызначацца 8 верасня ў мужчынскай і жаночай эстафетах-U19. У сераду і чацвер у абедзвюх узроставых групах пройдуць асабістыя паўфіналы, індывідуальныя фіналы назначаны на 11 і 12 верасня. Таксама на суботу запланаваны дзве эстафеты ў катэгорыі-U15. У заключны дзень турніру 13 верасня ў абодвух заліках адбудуцца спаборніцтвы ў міксце.
