Дэпутат падкрэсліў, што ідзе пэўны перадзел свету не толькі ў ваенна-палітычных і эканамічных пытаннях, але і ў псіхалагічных. «Мы бачым, што наша дзейнасць па ўвекавечанні подзвігу продкаў і захаванні гістарычнай памяці знаходзіць адназначную падтрымку ў дзяржаў, якія разумеюць важнасць гэтага мерапрыемства. Нядаўна ў Брэсце праходзіў форум „Вялікая спадчына — агульная будучыня“, прадстаўнікі Кітая выступілі вельмі дастойна. Гэта вялізная дзяржава, і хоць нехта можа спытаць, дзе Кітай, а дзе Еўропа, яны ўдзельнічалі, у іх таксама ёсць свае героі, не кажучы ўжо пра вайну з Японіяй, і яны гэта шануюць», — прывёў прыклад Анатоль Булаўка.

Шэраг постсавецкіх краін з павагай ставіцца да подзвігу сваіх продкаў і ганарыцца гэтым. «Прадстаўнікі гэтых краін прыязджаюць да нас на такія форумы, падтрымліваюць і разумеюць нас, і мы для іх з’яўляемся арыенцірам і прыкладам для пераймання», — адзначыў ён.

Другі бок — гэта заходнія апаненты.«Я веру, што надыдзе час, калі і гэтаму боку будзе дадзена дастойная ацэнка. Але сёння ўсе нашы намаганні па дасягненні справядлівай ацэнкі падзей Вялікай Айчыннай вайны не знаходзяць там разумення і часта проста ігнаруюцца. Адбываюцца кашчунскія і абуральныя факты, калі там разглядаюць падзеі вайны і гавораць, што Савецкі Саюз — гэта глупства, а Украіна вызваліла палавіну Еўропы, таму што былі ўкраінскія франты. Гэта падносіцца так, нібы там былі адны ўкраінцы, што з’яўляецца кашчунствам над памяццю тых, хто служыў у гэтых войсках, таму што там былі прадстаўнікі ўсіх нацыянальнасцей і народнасцей Савецкага Саюза. Гэта элемент унясення расколу. Надыдзе час, калі правільныя акцэнты будуць расстаўлены і зроблены ацэнкі», — падкрэсліў Анатоль Булаўка.