У Беларускім дзяржаўным універсітэце на спецыяльнасць «Журналістыка» залічаны 90 чалавек. З іх 10 паступілі па мэтавым накіраванні. Прахадны бал склаў 337. На спецыяльнасць «Інфармацыя і камунікацыя» залічаны 42 абітурыенты, прахадны бал — 374.

У Магілёўскі дзяржаўны ўніверсітэт імя А. А. Куляшова на спецыяльнасць «Журналістыка» залічаны 20 чалавек. З іх 9 — мэтавікі. Прахадны бал склаў 357. У Гродзенскі дзяржаўны ўніверсітэт імя Янкі Купалы на спецыяльнасць «Журналістыка» залічаны 25 абітурыентаў, з іх 6 — па мэтавых накіраваннях, на спецыяльнасць «Інфармацыя і камунікацыя» залічаны 20 абітурыентаў. Прахадны бал на абедзве спецыяльнасці склаў 348. У Гомельскі дзяржаўны ўніверсітэт імя Францыска Скарыны на спецыяльнасць «Журналістыка» залічаны 15 абітурыентаў. Прахадны бал — 356.