Пра тое, якое надвор’е будзе ў Беларусі ў сераду, 20 жніўня, паведамілі ў Рэспубліканскім цэнтры па гідраметэаралогіі, кантролі радыеактыўнага забруджвання і маніторынгу навакольнага асяроддзя Мінпрыроды.
Уначы будзе пераменная воблачнасць, пераважна без ападкаў. Раніцай і днём сіноптыкі прагназуюць павелічэнне воблачнасці, на большай частцы тэрыторыі дажджы. У дзённыя гадзіны ў асобных раёнах навальніцы, месцамі па Віцебскай вобласці — моцныя дажджы. Ноччу і раніцай месцамі слабы туман. Вецер паўднёва-заходні, удзень з пераходам на паўночны 4-9 метраў за секунду, пры навальніцах парывы да 14 м/с. Слупкі тэрмометраў уначы пакажуць +8...+14 °С, месцамі на поўдні — +5...+7 °С, а ўдзень тэмпературны фон будзе вагацца ў дыяпазоне ад +17 °С на поўначы да +27 °С на поўдні.
