У пятніцу, 15 мая, у Беларусі месцамі ва ўсходніх раёнах краіны чакаюцца моцныя дажджы і навальніцы. Пра гэта паведамляе Рэспубліканскі цэнтр па гідраметэаралогіі, кантролі радыеактыўнага забруджвання і маніторынгу навакольнага асяроддзя Мінпрыроды.
Так, 15 мая прагназуецца пераменная воблачнасць. Пераважна без ападкаў, толькі ва ўсходніх раёнах чакаюцца дажджы, месцамі моцныя дажджы і навальніцы. Уначы і раніцай у асобных раёнах слабы туман. Вецер пераменных напрамкаў, 4–9 м/с, пры навальніцах парывы да 14 м/с. Тэмпература паветра ноччу +1... +7 °С, па ўсходзе +8... +11 °С, днём ад +12 °С па паўночным усходзе да +23 °С па паўднёвым захадзе.
На выхадных чакаецца пераменная воблачнасць, верагоднасць навальніц захаваецца.
