У панядзелак, 6 кастрычніка, надвор’е ў Беларусі будзе вызначаць вобласць павышанага атмасфернага ціску. Аб гэтым паведамляе Рэспубліканскі цэнтр па гідраметэаралогіі, кантролі радыеактыўнага забруджвання і маніторынгу навакольнага асяроддзя Мінпрыроды.
6 кастрычніка будзе пераважна без ападкаў. У начны і ранішні час месцамі па краіне будзе згушчацца туман. Вецер паўднёва-заходні, паўднёвы слабы да ўмеранага. Тэмпература паветра мінімальная ноччу ад +2 °С да +8 °С, максімальная днём ад +11 °С да +16 °С. Атмасферны ціск будзе расці.
