У пятніцу, 6 лістапада, на асобных участках дарог Беларусі прагназуецца галалёдзіца. Пра гэта паведамілі ў Рэспубліканскім цэнтры па гідраметэаралогіі, кантролі радыеактыўнага забруджвання і маніторынгу навакольнага асяроддзя Мінпрыроды.
Так, 6 лістапада будзе воблачна з праясненнямі. Пераважна па ўсходняй палове пройдуць невялікія ападкі ў выглядзе дажджу і мокрага снегу. На асобных участках дарог галалёдзіца. Вецер паўночна-заходні, паўночны 5-10 м/с, парывы да 14 м/с. Тэмпература паветра мінімальная ноччу −1... +4 °С, максімальная днём +2... +8 °С.
На выхадных таксама чакаецца воблачнае з праясненнямі надвор’е і дажджы.
