«Фарміраванне ўраджаю цукровых буракоў у гэтым годзе праходзіць ва ўмовах перавагі ўмеранага тэмпературнага рэжыму, перыяды гарачага надвор’я былі непрацяглымі. На значнай тэрыторыі буракасеяння назіраюцца дастатковыя запасы глебавай вільгаці, што забяспечвае добрыя прыросты караняплодаў. Складаная аграметэаралагічная абстаноўка для цукровых буракоў складваецца ў Брэсцкай вобласці, дзе захоўваецца недабор ападкаў. У найбольш засушлівыя перыяды месцамі па вобласці запасы прадукцыйнай вільгаці ў паўметровым слоі глебы змяншаліся да нізкіх, што негатыўна ўплывала на рост караняплодаў», — расказалі ў Белгідрамеце.

Паводле апошніх даных, у большасці раёнаў буракасеяння сярэдняя вага караняплода блізкая да паказчыкаў мінулага года, у Брэсцкай вобласці значна ўступае мінулагодняму. Цукрыстасць караняплодаў цукровых буракоў перавышае мінулагоднія паказчыкі на гэты час.

Паводле прагнозаў аграметэаролагаў, у другой палавіне жніўня ўмовы надвор’я будуць спрыяць далейшаму назапашанню цукру ў караняплодах. Пры гэтым з-за чаканага недабору ападкаў могуць павялічыцца плошчы з недахопам глебавай вільгаці