У аўторак ноччу надвор’е ў Беларусі ў асноўным будзе вызначаць вобласць павышанага атмасфернага ціску, калі адаб’ецца ўплыў франтальных раздзелаў са Скандынавіі. Ноччу па поўначы, раніцай і днём на большай частцы тэрыторыі краіны пройдуць ападкі ў выглядзе снегу, мокрага снегу, які пераходзіць у дождж. Ноччу месцамі, раніцай і днём у многіх раёнах краіны чакаецца галалёд, на дарогах — галалёдзіца. 

Днём месцамі будзе згушчацца туман. Вецер заходні, паўднёва-заходні ўмераны, удзень парывісты, месцамі на захадзе моцны парывісты. Тэмпература паветра ўначы ад мінус 2 да мінус 7 °С, пры праясненнях да 10 оС марозу, а максімальная днём ад мінус 4 да плюс 1 °С. Атмасферны ціск будзе інтэнсіўна падаць.

У сераду з Фінскага заліва чакаецца паступленне няўстойлівых паветраных мас. Днём у многіх раёнах краіны чакаюцца невялікія кароткачасовыя ападкі ў выглядзе мокрага снегу і дажджу. Месцамі галалёд і слабы туман, на дарогах галалёдзіца. Вецер заходні, паўночна-заходні ўмераны, уначы парывісты. Тэмпература паветра ўначы складзе ад мінус 4 да плюс 1 °С, максімальная днём — ад мінус 1 да плюс 3 °С.

Больш інтэнсіўна цяплець пачне ўжо з чацвярга. У гэтыя суткі ў начныя гадзіны ўмовы надвор’я ў асноўным будзе фарміраваць вобласць павышанага атмасфернага ціску, на поўнач краіны перамесціцца франтальны раздзел з Балтыйскага мора. Днём уплыў фронту распаўсюдзіцца на большую частку краіны. Пераважна воблачна. Ноччу месцамі па поўначы пройдуць невялікія кароткачасовыя ападкі, раніцай, днём на большай частцы тэрыторыі нашага рэгіёна чакаюцца кароткачасовыя ападкі ў выглядзе мокрага снегу і дажджу. Месцамі галалёд, ноччу і раніцай слабы туман. На асобных участках дарог галалёдзіца. Тэмпература паветра ўначы ад мінус 3 да плюс 2 °С, а максімальная днём складзе ад нуля да плюс 4 °С.

У пачатку другой паловы тыдня надвор’е зноў стане вызначаць вобласць высокага ціску, на фоне якой будуць праходзіць малаактыўныя атмасферныя франты з невялікімі ападкамі ў асобных месцах. Вецер будзе дзьмуць з паўночнага захаду з хуткасцю каля 5 м/с, вільготнасць паветра дасягне 80%. Ноччу тэмпература чакаецца ад мінус 3 да плюс 2 °С, а ў пятніцу днём — каля нуля.

Паводле папярэдніх прагнозаў айчынных сіноптыкаў, у выхадныя ўплыў на надвор’е акажа антыцыклон, цэнтр якога размешчаны над паўднёва-заходняй часткай Еўропы. Ападкаў не прадказваецца, вецер будзе дзьмуць з захаду ўмеранай сілы. Ноччу і раніцай магчымы туман. Тэмпература ноччу будзе вагацца ад плюс 1 да мінус 5 °С. У суботу днём чакаецца да плюс 2 °С, а ў нядзелю — да плюс 3 °С.