«Канцэрт-рэквіем «Кожны трэці» прысвечаны вялікай падзеі ў нашай гісторыі — Перамозе савецкага народа ў Вялікай Айчыннай вайне. Я з задавальненнем выказваю ўдзячнасць тым, хто сёння за сцэнай, за неверагодна яркі канцэрт-рэквіем у памяць аб тых, хто не вярнуўся, застаўся на полі бою і забяспечыў Перамогу ў Вялікай Айчыннай вайне неймаверна вялікай цаной. Дзякую ўсім за магчымасць дакрануцца да прыгожага свету мастацтва, якое захоўвае і перадае эмоцыі», — сказала яна.

Першы намеснік кіраўніка Адміністрацыі Прэзідэнта Беларусі Уладзімір Пярцоў адзначыў, што беларусы прывезлі ў Казань асаблівы паказ, напэўна, адзін з самых яркіх, што было створана артыстамі, аўтарамі і прадзюсарамі Беларусі за апошні час па тэматыцы Вялікай Айчыннай вайны. Канцэрт-рэквіем «Кожны трэці» ўжо быў паказаны ў Крамлёўскім палацы ў Маскве, на Паклоннай гары ў Музеі Перамогі, а таксама па ўсёй Беларусі. І вось прэм’ера ў Казані.

На думку Уладзіміра Пярцова, у гэтым канцэрце сабраны ўвесь смутак беларускага народа, паколькі мы страцілі кожнага трэцяга ў той далёкай вайне.

«У ім ёсць і момант радасці ад Вялікай Перамогі, якую мы разам кавалі і на фронце, і ў тыле, ёсць і ўдзячнасць ад беларускага народа татарскаму, таму што менавіта сюды эвакуіравалі шматлікія беларускія прадпрыемствы. Тут працаваў Прэзідыум Акадэміі навук БССР, выдавалася галоўная газета «Советская Белоруссия», у вёсцы Пячышчы на вуліцы Калініна ў доме 5 працаваў паэт-класік Янка Купала — першы народны паэт БССР», — растлумачыў Уладзімір Пярцоў.

«Кожны трэці» — унікальны праект, які ўяўляе сабой сінтэз тэатральнага і музычнага мастацтва, дакументалістыкі і сучасных тэхналогій. На працягу канцэрта дэманструюцца рэдкія кадры ваеннай і пасляваеннай хронікі, фотадакументы, прыводзяцца гістарычныя факты і дакладныя звесткі і лічбы. У праекце кожны артыст і эпізод з’яўляюцца часткай агульнага палатна, якое расказвае як пра боль і трагедыю цэлага народа, так і аб трагічных лёсах асобных людзей.