Напапярэдні амерыканскае касмічнае агенцтва абвясціла аб пераносе запланаванага выхаду ў адкрыты космас астранаўтаў Майкла Фінка і Зэны Кардман.

Хто захварэў — невядома

У NASA ўдакладнілі, што медыцынская праблема ўзнікла ў «аднаго члена экіпажа, стан якога стабільны».

Аднак там не раскрылі ніякіх дадатковых падрабязнасцяў або асобы гэтага астранаўта.

«Бяспечнае выкананне нашых місій — наш найвышэйшы прыярытэт, і мы актыўна ацэньваем усе варыянты, уключаючы магчымасць датэрміновага завяршэння місіі Crew-11. Гэта такія сітуацыі, да якіх NASA і нашы партнёры трэніруюцца і рыхтуюцца для бяспечнага выканання», — гаворыцца ў заяве ведамства.

Агенцтва адключыла дзве прамыя трансляцыі з МКС, уключаючы аўдыётрансляцыю.

Адмена выхаду ў адкрыты космас з-за праблем са здароўем — рэдкая, але не беспрэцэдэнтная з’ява для NASA. Апошні раз гэта адбылося ў 2021 годзе, калі члену экіпажа заціснула нерв.

Касмічны карабель Dragon стартаваў 1 жніўня з астранаўтамі Зэнай Кардман і Майклам Фінкам, японскім астранаўтам Кіміяй Юі і расійскім касманаўтам Алегам Платонавым на борце.

Гэтая місія павінна была завяршыцца адстыкоўкай экіпажа і яго вяртаннем на Зямлю прыкладна 20 лютага.

Вядома, што наступны палёт да МКС запланаваны не раней за 15 лютага.