Паводле аператыўных звестак, у выніку моцнага ветру з парывамі да 23 м/с зафіксаваны 100 выпадкаў падзення дрэў у Брэсцкай, Віцебскай, Гомельскай, Гродзенскай, Мінскай, Магілёўскай абласцях і ў Мінску. Дрэвамі, якія ўпалі, пашкоджаны сем аўтамабіляў у Віцебскай, Мінскай абласцях і ў Мінску. Пацярпелых няма. Работнікамі МНС і іншых арганізацый праводзіліся работы па распілоўцы і ўборцы паваленых дрэў.

У Магілёўскай вобласці быў пашкоджаны дах магазіна ў Чавусах, а таксама дах трох будынкаў на тэрыторыі дзвюх устаноў адукацыі ў Мсціслаўлі. Вядуцца аднаўленчыя работы. 

Паводле інфармацыі Беларускай чыгункі, у выніку падзення дрэва на чыгуначныя пуці затрымка ў руху дызель-цягніка ў Віцебскай вобласці склала 46 хвілін. 

Паводле даных ДВА «Белэнерга» на працягу сутак на тэрыторыі рэспублікі перыядычна парушалася электразабеспячэнне ў 670 населеных пунктах (Віцебская вобласць — 425, Гомельская — 78, Гродзенская — 35, Мінская — 101, Магілёўская — 31), 43 сельскагаспадарчыя будынкі і на 1562 трансфарматарных падстанцыях. Адключэнні аператыўна ўстараняюцца аварыйнымі брыгадамі. Па стане на 06:00 1 ліпеня без электразабеспячэння застаецца адзін населены пункт і сем трансфарматарных падстанцый у Магілёўскай вобласці.

Фота: МНС